დაბრუნების პოლიტიკა

არტკოდი აღიარებს შეძენილ ნამუშევარში პრობლემის არსებობას შემდეგ შემთხვევებში:

• თუ მიღებულ ნამუშევარს აქვს გარეგანი დაზიანებები (მაგ.: გახეულია, გატეხილი აქვს ჩარჩო/მინა, დამწვარია და ა.შ.).
• თუ მიღებული ნამუშევარი არ შეესაბამება შეძენილ ეგზემპლარს (ამაში არ იგულისხმება ფერებს შორის მინიმალური სხვაობა, რაც შესაძლოა გამოწვეული იყოს მოწყობილობისა და ეკრანის სპეციფიკისა ან/და ხარვეზებიდან გამომდინარე).

ასეთ შემთხვევაში, მომხმარებელი ვალდებულია:

1. გადაიღოს დაზიანებული ადგილის ან მთლიანი ნამუშევრის ფოტო, თუ ის არ შეესაბამება შეძენილს.
2. დაუკავშირდეს არტკოდის წარმომადგენელს ტელეფონით, ელ-ფოსტით ან სოციალური ქსელების პირადი მიმოწერის მეშვეობით და გაუგზავნოს პრობლემის ფოტომასალა.

არტკოდი თავად ჩაიბარებს დაზიანებულ ნამუშევარს და მომხმარებელს ექნება რამდენიმე არჩევანი:

• სრულად დაიბრუნოს გადახდილი თანხა. თანხის დაბრუნება მოხდება იმავე ანგარიშზე, საიდანაც შესრულდა გადახდა.
• მოითხოვოს დაზიანების გამოსწორება, თუ პრობლემა დაკავშირებულია ჩარჩოსთან ან მინასთან.
• აირჩიოს შეძენილი ნამუშევრის შეცვლა სხვა ნამუშევრით. თანხის დამატება ან დაბრუნება განხორციელდება შეძენილი და შემდგომ შერჩეული ნამუშევრის ფასების განსხვავების საფუძველზე, არტკოდის ან მომხმარებლის მხრიდან.